auf urlaub

stö d’amoi vor
wie schens dort woa:

vegal ham pfiffn
katzal ham gschnurrt
bleamön hom bliaht

von bienen wor i umschwärmt

d'sonn hot mi gwärmt

von möwen hob i glernt des lautlose gleiten
vom löwenzahn ogschaut die goldanen seiten
  des meer hot ma vazöht vo stürmische zeiten

von die sterne am himmel lass i mi heit no leiten

die luft woa so sanft
alle sorgen vadampft
weich wie seide der wind

aufgnumman von da natur 

wie a eigenes kind

stö da des vor

so schen wie's dort woa

hauptsaison, des ganze jahr